بنوفر ليك المستثمر المناسب، والمستشار البرشدك ويوريك الطريق الصحيح للبداية. بنساعدك في التشبيك مع رواد أعمال سودانيين عندهم نفس الطموح، عشان تتبادلوا الخبرات وتدعموا بعض لتحقيق النجاح.

نحن ما بنك ولا تمويل أصغر، نحن أفراد متطوعين نساعدك ونساندك تطور مشروعك. حـ نختار المشاريع المكتملة، وحنجيكم لحدي عندكم في مدينتكم، عشان تتدربوا، وتعرفوا كيف تعرضوا مشاريعكم دي.

نحن بنعرض مشروعك للمستثمرين، وبنوريك الخيارات المتوفرة وحتختار براك المستثمر العايزو. بعدها مشروعك حـ يمر بمستشارين عشان يقيموا خطتك ويضمنوا نجاحها.

إذا كنت صاحب مشروع وبديت تنفذو وشغلك ماشي، لكن عايز تطورو وتوسعو، ممكن برضو تدرج خطة مشروعك في الرابط، وحندعمك أكيد.